182 ஏக்கர் அரசு நிலத்தை தனியாருக்கு பட்டா போட்டு கொடுத்த தாசில்தார் கைது…சிபிசிஐடி போலீசார் அதிரடி ..

182 ஏக்கர் அரசு நிலத்தை தனியாருக்கு பட்டா போட்டு கொடுத்த தாசில்தார் கைது…சிபிசிஐடி போலீசார் அதிரடி ..

பெரியகுளம்;

தேனி மாவட்டம் பெரியகுளம் பகுதியில் உள்ள வடவீரநாயக்கன்பட்டி, தாமரைகுளம், கெங்குவார்பட்டி ஆகிய பகுதிகளில் உள்ள 182 ஏக்கர் பரப்பிலான அரசு நிலங்கள் அதிகாரிகளின் ஒத்துழைப்புடன் தனியாருக்கு பட்டா போட்டு கொடுக்கப்பட்டதாக குற்றச்சாட்டு எழுந்தது.

அதனைத் தொடர்ந்து இந்த வழக்கு கடந்த ஆண்டு டிசம்பர் மாதம் சிபிசிஐடிக்கு மாற்றப்பட்டது.இந்த வழக்கினை விசாரணை செய்த சிபிசிஐடி காவல்துறையினர் அப்போது பெரியகுளம் வட்டாட்சியர் அலுவலகத்தில் பணியாற்றிய வட்டாட்சியர்களான கிருஷ்ணகுமார், ரத்னமாலா, துணை வட்டாட்சியர்களான சஞ்சீவ் காந்தி, மோகன்ராம், நில சர்வேயர் சக்திவேல், நில சர்வேயர் உதவியாளர் பிச்சைமணி மற்றும் விஏஓ சுரேஷ் ஆகியோர் மீது வழக்கு பதிவு செய்தனர்.

பின்னர் அனைவரும் சஸ்பெண்ட் செய்யப்பட்ட நிலையில் சஞ்சீவ் காந்தி, மோகன் ராம், சக்திவேல், பிச்சைமணி ஆகியோர் விசாரணைக்கு பின்னர் கைது செய்யப்பட்டு சிறையில் அடைக்கப்பட்டனர். இந்த விவகாரத்தில் வட்டாட்சியர்கள் கிருஷ்ணகுமார் மற்றும் ரத்தினமாலா ஆகியோர் ஓராண்டு காலமாக தலைமறைவாகிவிட்டனர்.

இந்த நிலையில் இன்று வட்டாட்சியர் கிருஷ்ணகுமார் தேனியில் உள்ள சிபிசிஐடி அலுவலகத்தில் காலை 11 மணிக்கு நேரில் ஆஜரானார்.

அவரிடம் சிபிசிஐடி டிஎஸ்பி சுமார் 6 மணி நேரம் விசாரணை நடத்திய பின்னர் அவரை சிபிசிஐடி காவல்துறையினர் கைது செய்து நீதிமன்றத்தில் ஆஜர் படுத்தினர்.

Leave a Reply