​தேன் வெங்காயம் செய்வது எப்படி?

​தேன் வெங்காயம் செய்வது எப்படி?

சின்ன வெங்காயத்தில் நிறைய மருத்துவ குணங்கள் இருக்கின்றன. இந்த சின்ன வெங்காயத்தை வெறும் வயிற்றில் தேனில் ஊறவைத்து சாப்பிட்டு வந்தால் உடலில் பல ஆரோக்கிய மாற்றங்கள் தென்படும். அவை என்னென்ன என்று தெரிந்து கொள்வோம்.

வெங்காயத்தில் சல்பர் இருக்கிறது. குறிப்பாக, சின்ன வெங்காயத்தில் சல்பர் சத்து மிக அதிகம். அதனால் இதை உணவில் தினசரி சேர்த்துக் கொள்வதால் உடல் வலிமை பெறும். பருவ கால நோய்த்தொற்றுக்கள் ஏற்படாமல் தவிர்க்க இயலும்.

சின்ன வெங்காயம் என்றாலே ரத்தத்தைச் சுத்திகரிக்கப் பயன்படும் என்புது உங்களுக்குத் தெரிந்தது தான். அதிலும் தேனில் ஊற வைத்த வெங்காயம் என்றால் இன்னும் கூடுதல் பலனைத் தரும்.

தினமும் காலையில் எழுந்து வெறும் வயிற்றில் தேனில் ஊறவைத்த வெங்காயத்தைச் சாப்பிட்டு வந்தால் ரத்தத்தில் உள்ள நச்சுக்களை நீக்கி, ரத்த ஓட்டத்தைச் சீராக்குகிறது.

அஜீரணக் கோளாறை போக்க
சின்ன வெங்காயம், தேன் இரண்டிலுமே மிக அதிக அளவிலான ஆன்டி – ஆக்சிடண்ட்டுகள் இருக்கின்றன. இவை நம்முடைய உடலின் ஜீரண சக்தியை மேம்படுத்தி, மெட்டபாலிசத்தை அதிகரிக்கிறது. இதனால் அஜீரணக் கோளாறு உண்டாவது தடுக்கப்படும்.

சின்ன வெங்காயம், தேன் இரண்டுக்குமே நச்சுக்களை முறிக்கும் தன்மை உண்டு. தேனில்ஊற வைத்த சின்ன வெங்காயத்தை காலையில் வெறும் வயிற்றில் தினமுமு் இரண்டு வீதம் சாப்பிடும் போது, அது உடலில் இருக்கும் நச்சுக்களை நீக்கி, ரத்தத்தில் உ்ளள பிற கழிவுகளை வௌியேற்றுவதோடு ரத்தத்தில் உள்ள கெட்ட கொழுப்பையும் வெளியேற்றுகிறது.

போதுமான தூக்கமின்மை பிரச்சினையால் அவதிப்படுகிறவர்களின் எண்ணிக்கை நாளுக்கு நாள் அதிகரித்துக் கொண்டே போகிறது.

இதற்கு மிக முக்கியக் காரணம் அதிகப்படியான கேஜட்ஸ் பயன்பாடு, மாறிவிட்ட வாழ்க்கை முறை, ஊட்டச்சத்து குறைபாடு என சொல்லிக் கொண்டே போகலாம்.

இவையெல்லாவற்றின் காரணமாக ஏற்படுகிற இன்சோம்னியா பிரச்சினையை சின்ன வெங்காயம் தீர்க்கும் தன்மை கொண்டது.

சின்ன வெங்காயம் நோயெதிர்ப்பு மண்டலத்தை பலப்படுத்துகிறது. குறிப்பாக, நோயெதிர்ப்பு மண்டலம் பலவீனமாவதால் உ்ணடாகிற மூச்சுப் பிரச்சினைகள், ஆஸ்துமா, சளித் தொல்லைஈ நுரையீரல் சம்பந்தப்பட்ட பிரச்சினைகளுக்கு சின்ன வெங்காயம் மிகச்சிறந்த தீர்வாக இருக்கும்.

இந்த பிரச்சினைகள் இருப்பவர்கள் தினசரி காலையில் வெறும் வயிற்றில் தேனில் ஊறவைத்த சின்ன வெங்காயத்தைச் சாப்பிட்டு வந்தால் நோயெதிர்ப்பு மண்டலம் வலுவாகும்.

பொதுவாகவே நெஞ்சு சளி அதிகமானால் ஒரு சின்ன வெங்காயத்தை சாப்பிட்டு விட்டு வெந்நீர் குடிக்கச் சொல்வது,

சின்ன வெங்காயத்தின் சாறெடுத்து அதனுடன் சம அளவு தேன் கலந்து சாப்பிடச் சொல்வது போன்றவற்றை நம் முன்னோர்கள் காலங்காலமாக செய்து வந்தது தான். நாம் அதைப் பின்பற்றாமல் விட்டுவிட்டோம்.

நெஞ்சு சளியால் அவதிப்படுகிறவர்கள் இரவு தூங்கச் செல்லும் முன்பாக தேனில் ஊறவைத்த சின்ன வெங்காயத்தை சாப்பிட்டு வந்தால், ஓரிரு நாட்களில் நெஞ்சில் கட்டியிருக்கும் சளி வாய் அல்லது மலத்தின் வழியே வெளியேறிவிடும்.

இந்த தேனில் ஊற வைத்த சின்ன வெங்காயத்தை தினசரி காலையில் சாப்பிட்டு வந்தால் உடலில் உள்ள கெட்ட கொழுப்புகள் கரைந்து தொப்பை குறையும். குறிப்பாக, அடி வயிறு மற்றும் இடுப்பைச் சுற்றியுள்ள ஊளைச்சதையைக் குறைக்கும்.

ஒரு சுத்தமாக பாத்திரம் அல்லது கண்ணாடி பாட்டில் எடுத்துக் கொள்ள வேண்டும்.
அதில் நன்கு தோலுரித்து இரண்டாகக் கீறிய (அப்போதுதான் தேனுடன் ஊறும்) சின்ன வெங்காயத்தைப் போட்டு அது முழுகும் அளவுக்கு தேனை ஊற்ற வேண்டும்.
இரண்டு நாட்கள் அப்படியே ஓரமாக, கைபடாமல் எடுத்து வைக்க வேண்டும்.

இரண்டு நாட்கள் கழித்து சின்ன வெங்காயத்தில் தேன் நன்றாக இறங்கியிருக்கும். நீங்கள் வைத்ததை விட சற்று நீர்த்துப் போயிருக்கும்.
ஏனெனில் வெங்காயத்தில் உள்ள நீர்ச்சத்தும் தேனுடன் சேர்ந்து ஊறியிருக்கும். இதை தினமும் காலையில் வெறும் சாப்பிட்டு வர நிறைய பலன்கள் கிடைக்கும்.

Leave a Reply

Your email address will not be published. Required fields are marked *

googlefc.controlledMessagingFunction