இடைதேர்தலில் காங்கிரஸிற்கு ஆதரவு… திமுக கூட்டணியில் மையமான கமல் …

சென்னை;

ஈரோடு கிழக்கு இடைத்தேர்தல் வரும் 27ஆம் தேதி நடைபெறுகிறது. இதில் திமுக கூட்டணி சார்பில் காங்கிரஸ்  கட்சி போட்டியிடுகிறது . அதன் வேட்பாளராக ஈவிகேஎஸ் இளங்கோவன் அறிவிக்கப்பட்டுள்ளார்.

இவர் மக்கள் நீதி மையம்  கட்சி தலைவர் கமல் ஹாசனை நேரில் சந்தித்து தனக்கு ஆதரவு அளிக்குமாறு கேட்டிருந்தார்.

கட்சி நிர்வாகிகள் உடன் ஆலோசனை நடத்தி முடிவை அறிவிப்பதாக கமல் ஹாசன் பதில் அளித்திருந்தார். இந்நிலையில் இன்று செய்தியாளர்களை சந்தித்த அவர், ஈரோடு கிழக்கு சட்டமன்ற தொகுதி இடைத்தேர்தலில் காங்கிரஸ் கட்சிக்கு நிபந்தனையற்ற ஆதரவு அளிப்பதாக தெரிவித்துள்ளார்.

இதன்மூலம் திமுக கூட்டணியை கமல் ஹாசன் நெருங்கி வந்துள்ளதாக அரசியல் வட்டாரங்கள் கூறுகின்றன. மக்களவை தேர்தலுக்கு இன்னும் ஓராண்டே இருக்கும் நிலையில் அதற்கான அரசியல் கணக்குகளை போட்டு காங்கிரஸ் மூலம் கமல் ஹாசன் காய்களை நகர்த்தி வருவதாக தெரிகிறது.