தொழில் அதிபர்களை மிரட்டியதாக குற்றச்சாட்டுக்கு ஆளான  கம்யூனிஸ்ட் தலைவர் வாங்கிய 50 லட்சம் மதிப்புள்ள மினி கூப்பர் கார்…. விசாரணையைத் தொடங்கிய கம்யூனிஸ்ட் கட்சி…

கொச்சி;

50 லட்சம் மதிப்பிலான மினி கூப்பர் காரை வாங்கியதற்காக பெட்ரோலியம் மற்றும் எரிவாயு தொழிலாளர் சங்கத்தின் கேரள மாநில பொதுச் செயலாளர் பி.கே அனில் குமார் கடும் விமர்சனத்துக்கு உள்ளாகி உள்ளார் . இந்த சங்கம் இந்திய தொழிற்சங்கங்களின் மையத்துடன் (சிஐடியு) இணைக்கப்பட்டுள்ளது குறிப்பிடத்தக்கது.

அனில் குமாரிடம்  காரை டெலிவரி செய்யும் புகைப்படம் சமூக வலைதளங்களில் பரவியதையடுத்து, மார்க்சிஸ்ட் கம்யூனிஸ்ட் கட்சி (சிபிஐ-எம்) விசாரணையைத் தொடங்கியுள்ளது.

இருப்பினும், இந்தியன் ஆயில் கார்ப்பரேஷனில் ஊழியராக இருக்கும் தனது மனைவி இந்த வாகனத்தை வாங்கியதாக சிஐடியு தலைவர் கூறியுள்ளார் . இந்த மினி கூப்பரைத் தவிர, ஒரு டொயோட்டா க்ரெஸ்டா லிமிடெட் எடிஷன், டொயோட்டா ஃபார்ச்சூனர் போன்ற வாகனங்கள் அவரிடம் உள்ளன என்றும் கூறப்படுகிறது.

அவரது வீடு கொச்சி பனமப்ளி நகர் பகுதியில் 4000 சதுர அடியில் உள்ளதாக கூறப்படுகிறது. அவர் எர்ணாகுளம் சிபிஎம் கட்சியின் செயலாளர் சி.என் மோகன் மற்றும் பிற சிபிஎம் தலைவர்களுடன் சேர்ந்து  வசூல் வேட்டையில் ஈடுபட்டு வருகிறார் என்ற குற்றச்சாட்டும் அவர் மீது வைக்கப்படுகிறது.

அனில் குமார் முன்பு கொச்சியில் உள்ள வைபீன், குழுப்பில்லியில் உள்ள ஒரு கேஸ் ஏஜென்சியின் உரிமையாளருக்கு எதிராக பகிரங்க மிரட்டல் விடுத்தார் என்பதும் குறிப்பிடத்தக்கது.