திமுகவில் பல அமைச்சர்கள் ஊழல் வழக்கில் கைதாவார்கள் – எதிர்க் கட்சி தலைவர் எடப்பாடி பழனிசாமி !!

திமுகவில் பல அமைச்சர்கள் ஊழல் வழக்கில் கைதாவார்கள் – எதிர்க் கட்சி தலைவர் எடப்பாடி பழனிசாமி !!

திமுகவில் இன்னும் பல அமைச்சர்கள் ஊழல் வழக்கில் கைதாவார்கள் என தமிழக எதிர்க்கட்சி தலைவரும் அதிமுக பொதுசெயலாளருமான எடப்பாடி பழனிசாமி கூறியுள்ளார்.

உயர்கல்வித்துறை அமைச்சர் பொன்முடி கடந்த 1996 முதல் 2002 ஆண்டு வரையிலான காலகட்டத்தில் வருமானத்துக்கு அதிகமாக சொத்து சேர்த்ததாக விழுப்புரம் மாவட்ட லஞ்ச ஒழிப்புத்துறை போலீசார் வழக்கு பதிவு செய்தனர். இந்நிலையில் சொத்துக்குவிப்பு வழக்கில் அமைச்சர் பொன்முடிக்கு 3 ஆண்டுகள் சிறை தண்டனை விதிக்கப்பட்டுள்ளது.

அத்துடன் ₹50 லட்சம் அபராதம் விதித்து சென்னை உயர் நீதிமன்றம் தீர்ப்பு வழங்கியுள்ளது. சொத்து குவிப்பு வழக்கில் தமிழ்நாடு அமைச்சர் பொன்முடி குற்றவாளி என அறிவிக்கப்பட்ட நிலையில் 3 ஆண்டுகள் சிறை தண்டனை விதிக்கப்பட்டுள்ளது.

குற்றவாளி என அறிவிக்கப்பட்ட போது சட்டமன்ற உறுப்பினர் பதவியும் அவர் இழந்த நிலையில் இன்றைய தினம் அமைச்சர் பதவியை அவர் ராஜினாமா செய்கிறார்.

சொத்துக் குறிப்பு வழக்கில் தமிழ்நாடு அமைச்சர் பொன்முடிக்கு 3 ஆண்டுகள் சிறை தண்டனை விதிக்கப்பட்ட நிலையில் அவர் மேல் முறையீடு செய்வதற்காக 30 நாட்களுக்கு சிறை தண்டனை மட்டும் நிறுத்தி வைக்கப் பட்டுள்ளது. இதன் காரணமாக பொன்முடி உச்ச நீதிமன்றத்தில் மேல்முறையீடு செய்வார் என்று எதிர்பார்க்கப்படுகிறது.

இந்த நிலையில், திமுகவில் இன்னும் பல அமைச்சர்கள் ஊழல் வழக்கில் கைதாவார்கள் என தமிழக எதிர்க்கட்சி தலைவரும் அதிமுக பொது செயலாளருமான எடப்பாடி பழனிசாமி கூறியுள்ளார்.

இது தொடர்பாக செய்தியாளர்கள் சந்திப்பில் எடப்பாடி பழனிசாமி கூறியதாவது: அமைச்சர் பொன்முடி சொத்துக்குவிப்பு வழக்கில் கைது செய்யப்பட்டுள்ளார். திமுகவில் இன்னும் பல அமைச்சர்கள் ஊழல் வழக்கில் கைதாவார்கள்.

திமுக ஆட்சிக்கு வந்த பிறகு இரண்டரை ஆண்டு காலம் ஊழல் செய்தது தான் அவர்களது சாதனை. இவ்வாறு கூறினார்.

Leave a Reply