மத்திய நிதியமைச்சர் நிர்மலா சீதாராமனை தமிழக நிதித்துறை அமைச்சர் தங்கம் தென்னரசு சந்தித்துப் பேசியுள்ளார்.
டெல்லியில் நாடாளுமன்ற அலுவலகத்தில் நடைபெற்ற இந்த சந்திப்பில் தமிழகத்திற்கு ஒதுக்க வேண்டிய நிதி விகிதாச்சார பிரச்னை மற்றும் ஜிஎஸ்டி வரி பங்கீடு உள்ளிட்ட விவகாரங்கள் குறித்து மத்திய அமைச்சரிடம் தங்கம் தென்னரசு கோரிக்கை வைத்ததாகத் தகவல்கள் தெரிவிக்கின்றன.
எனினும் மத்திய அமைச்சர் நிர்மலா சீதாராமனை அமைச்சர் தங்கம் தென்னரசு மரியாதை நிமித்தமாக சந்தித்தாக தமிழக அரசு தகவல் தெரிவித்துள்ளது.
தமிழக அரசின் வணிகவரித் துறை முதன்மைச் செயலாளர் பிஜேந்திர நவநீத், நிதித்துறை துணைச் செயலாளர் பிரத்தீக் தயாள் ஆகியோர் இந்த சந்திப்பின்போது உடனிருந்தனர்.
