புதுடெல்லி:
ஐசிசி டி20 உலக கோப்பை கிரிக்கெட் போட்டியில் பங்கேற்கும் இத்தாலி அணி நேற்று அறிவிக்கப்பட்டது. ஐசிசி டி20 உலக கோப்பை கிரிக்கெட் போட்டி பிப்ரவரி 7-ம் தேதி முதல் மார்ச் 8-ம் தேதி வரை இந்தியா மற்றும் இலங்கையில் நடக்கிறது. இதில் 20 நாடுகள் பங்கேற்கின்றன.
இந்தப் போட்டியில் முதல் முறையாக விளையாட இருக்கும் இத்தாலி அணி நேற்று அறிவிக்கப்பட்டுள்ளது. தென் ஆப்பிரிக்க முன்னாள் கிரிக்கெட் வீரர் ஜே.ஜே.ஸ்மட்ஸ் இடம்பெற்றுள்ள 15 பேர் கொண்ட அணிக்கு வெய்ன் மேட்சன் கேப்டனாக நியமிக்கப்பட்டு உள்ளார்.
ஐசிசி டி20 உலகக் கோப்பை போட்டியில் பங்கேற்கும் இத்தாலி அணி வீரர்கள் விவரம்: வெய்ன் மேட்சன் (கேப்டன்), ஜைன் அலி, மார்கஸ் காம்போபியானோ, அலி ஹசன், கிரிஷன் கலுகமகே, ஹாரி மானென்டி, ஜியான் பியோரோ, அந்தோனி மோஸ்கா, ஜஸ்டின் மோஸ்கா, சையத் நக்வி, பெஞ்சமின் மானென்டி, ஜஸ்பிரீத் சிங், ஜே.ஜே. ஸ்மட்ஸ், கிரான்ட் ஸ்டூவர்ட், தாமஸ் டிராகா. ஐசிசி உலகக் கோப்பை போட்டியில் பங்கேற்பதற்காக இதுவரை இதுவரை 15 நாடுகளின் அணிகள் அறிவிக்கப்பட்டு விட்டன.
