சென்னை:
மலையாளத்தில் பெரும் வரவேற்பைப் பெற்றுள்ள நடிகை ரியா ஷிபு, தமிழிலும் அறிமுகமாக இருப்பதாக தகவல்கள் வெளியாகியுள்ளன.
ஆனந்த் ஷங்கர் இயக்கத்தில் விக்ரம் நடிக்கவுள்ள புதிய படம் அறிவிக்கப்பட்டுள்ளது. இதன் முதற்கட்டப் பணிகள் மும்முரமாக நடைபெற்று வருகின்றன.
இதில் விக்ரமுடன் நடிக்கவிருப்பவர்கள் தேர்வும் நடைபெற்று வருகின்றன. இப்படத்தில் விக்ரமுடன் முக்கிய கதாபாத்திரத்தில் ரியா ஷிபு நடிக்கவிருப்பதாக தகவல்கள் வெளியாகியுள்ளன.
மலையாளத்தில் மாபெரும் வரவேற்பைப் பெற்ற ‘சர்வம் மாயா’ படத்தில் நடித்தவர் ரியா ஷிபு. இவர் விக்ரம் நடித்த ‘வீர தீர சூரன்’ படத்தை தயாரித்த ஷிபு தமீன்ஸின் மகளாவார்.
தற்போது விக்ரம் நடிக்கவுள்ள படத்தில் நாயகியாக அல்லாமல், முக்கியமான கதாபாத்திரத்தில் நடிக்கவுள்ளார். இதன் படப்பிடிப்பு ஜூன் மாதத்தில் தொடங்கவுள்ளது.
சத்யஜோதி நிறுவனம் தயாரிக்கவுள்ள இப்படத்தின் ஒளிப்பதி வாளராக ஆர்.டி.ராஜசேகர், இசையமைப்பாளராக சந்தோஷ் நாராயணன் ஆகியோர் பணிபுரியவுள்ளனர்.
ஒரே கட்டமாக இதன் படப்பிடிப்பை முடிக்க படக்குழு திட்டமிட்டு இருக்கிறது.
