சென்னை:
விஷ்ணு விஷால் நடித்துள்ள ‘கட்டா குஸ்தி 2’ படம் வரும் ஜூலை 3 அன்று வெளியாகும் என்று தெரிவிக்கப்பட்டுள்ளது.
2022-ம் ஆண்டு வெளியாகி மாபெரும் வரவேற்பைப் பெற்ற படம் ‘கட்டா குஸ்தி’. இதன் 2-ம் பாகத்தின் படப்பிடிப்பு கடந்த ஆண்டு செப்டம்பர் மாதம் தொடங்கப்பட்டது.
ஒரே கட்டமாக ஒட்டுமொத்த படப்பிடிப்பை முடிக்க படக்குழுவினர் திட்டமிட்டனர். தற்போது படப்பிடிப்பு முடிவடைந்து, இறுதி கட்டப் பணிகள் மும்முரமாக நடைபெற்று வருகின்றன.
தற்போது ‘கட்டா குஸ்தி 2’ படத்தின் மேக்கிங் வீடியோவை படக்குழு வெளியிட்டுள்ளது.
மேலும், இப்படம் ஜூலை 3-ம் தேதி வெளியாகும் எனவும் தெரிவிக்கப்பட்டுள்ளது. இப்படத்தை வேல்ஸ் பிலிம்ஸ் நிறுவனம் வழங்க, விஷ்ணு விஷால் தயாரித்துள்ளார்.
இப்படத்தில் ஐஸ்வர்யா லட்சுமி, ரம்யா கிருஷ்ணன், யோகிபாபு, கருணாஸ், முனீஷ்காந்த் உள்ளிட்ட பலரும் நடித்துள்ளனர்.
