சென்னை:
ஜப்பானில் நடைபெறும் ஆசிய விளையாட்டுப் போட்டியில் ஸ்குவாஷ் பிரிவில் வெண்கலம் வென்ற தமிழக வீராங்க னைகள் ஜோஷ்னா சின்னப்பா, ஷமீனா ரியாஸுக்கு வாழ்த்து தெரிவித்துள்ள முதல்வர் விஜய், அரசு சார்பில் அவர்களுக்குத் தலா ரூ.30 லட்சம் உயரிய ஊக்கத்தொகை வழங்கப்படும் என அறிவித்துள்ளார்.
இது குறித்து அவர் தனது எக்ஸ் தளப் பதிவில், “ஜப்பானில் நடைபெற்றுவரும் 20-வது ஆசிய விளையாட்டுப் போட்டிகளில், ஸ்குவாஷ் பெண்கள் குழுப் பிரிவில் வெண்கலப் பதக்கம் வென்று சாதனை படைத்துள்ள இந்திய அணிக்கும், அவ் வணியில் இடம்பெற்றுள்ள தமிழகத்தைச் சேர்ந்த ஸ்குவாஷ் வீராங்கனைகள் ஜோஷ்னா சின்னப்பா மற்றும் ஷமீனா ரியாஸ் ஆகியோருக்கும் எனது மனமார்ந்த பாராட்டு களையும், நல்வாழ்த்துகளையும் தெரிவித்துக் கொள்கிறேன்.
அவர்களது இச்சாதனையைப் பாராட்டும் வகையில், தமிழக அரசு சார்பில் தலா ரூ.30 லட்சம் உயரிய ஊக்கத்தொகை வழங்கப்படும்.
அவர்களது திறமை, தன்னம்பிக்கை, விடாமுயற்சி ஆகிய வற்றால் பெற்றுள்ள இவ்வெற்றி, தமிழகத்தின் விளையாட்டுத் திறனுக்கு மேலும் வலுசேர்த்துள்ளது.
அவர்களது வெற்றி சாதிக்கத் துடிக்கும் இளைஞர்கள் மற்றும் மகளிருக்குச் சிறந்த உத்வேகத்தை அளிக்கும்.
எதிர்காலத்திலும் அவர்கள் பல வெற்றிகளைப் பெற்று தமிழக மற்றும் இந்தியாவின் பெருமையை உலக அரங்கில் மேலும் உயர்த்திட எனது வாழ்த்துகள்!” இவ்வாறு அவர் தெரிவித் துள்ளார்.
