அறவழியில் போராடிய செவிலியர்களை இரவோடு இரவாக வலுக்கட்டாயமாகக் கைது செய்த தவெக அரசை கண்டித்து திமுக தலைவர் மு.க.ஸ்டாலின் கண்டனம் !!

சென்னை:
பணி நிரந்தரம், சம வேலைக்கு சம ஊதியம் உள்ளிட்ட கோரிக்கைகளை வலியுறுத்தி அறவழியில் போராடிய செவிலியர்களை இரவோடு இரவாக வலுக்கட்டாயமாகக் கைது செய்த தவெக அரசை திமுக தலைவர் மு.க.ஸ்டாலின் கண்டித்துள்ளார்.

இது குறித்து அவர் தனது எக்ஸ் தள பக்கத்தில், “கண்துடை ப்புக்கு வழங்கிய வாக்குறுதிகளைக் காற்றில் பறக்கவிட்டு, முதுகில் குத்தும் தவெக அரசின் துரோகத்திற்குச் செவிலிய ர்கள்தான் தற்போதைய இரையா?

பணி நிரந்தரம், பணிப் பாதுகாப்பு, சம வேலைக்கு சம ஊதியம் உள்ளிட்ட தங்களது வாழ்வாதார உரிமைகளுக்காக அறவழியில் போராடிய செவிலியர்களைக் காவல்துறையைக் கொண்டு கைது செய்த தவெக அரசின் அராஜக நடவடிக் கைக்குக் கடும் கண்டனத்தைத் தெரிவித்துக் கொள்கிறேன்.

போராடும் செவிலியர்களுடன் அமர்ந்து பேச்சுவார்த்தை நடத்திட மனம் வராத துரோக தவெக அரசுக்கு, ஈவு இரக்க மின்றி அவர்களைக் கைது செய்ய மட்டும் எப்படி மனம் வந்ததோ?

போராடிய செவிலியர்களின் பிரதிநிதிகளைப் பேச்சுவார்த் தைக்கு அழைத்துச் செல்வதாகக் கூறி கைது செய்ததாக அவர்களது சட்ட ஆலோசகரே குற்றம் சாட்டியிருக்கிறார்.

தொடர்ந்து, போராட்டக் களத்திலிருந்த செவிலியர்களும் காவல்துறையால் கைது செய்யப்பட்டுள்ளனர்.

எதிர்க்கட்சியாக இருக்கும்போது போராட்டக் களத்திற்குச் சென்று ஆதரவு; தேர்தல் வந்தபோது பணி நிரந்தரம் செய்வோம் என்ற வாக்குறுதி; ஆட்சிக்கு வந்ததும் அதே கோரிக்கையை முன்வைத்தால் காவல்துறை நடவடிக்கை. முரண்பாட்டு மூட்டையாக விளங்கும் முதல்வர் விஜய்யும், அவரது நிர்வாகத் திறனற்ற துக்ளக் நடவடிக்கைகளுக்கு முட்டுக் கொடுக்கும் அதிமேதாவி அமைச்சர்களும் இப்போது என்ன சொல்லப் போகிறார்கள்?

போராட்டக் களத்தில் மின்சாரம் துண்டிக்கப்பட்ட நிலையி லும், செல்போன் டார்ச் வெளிச்சத்தில் தங்களது போராட் டத்தைத் தொடர்ந்த செவிலியர்களை இரவோடு இரவாக வலுக்கட்டாயமாகக் கைது செய்ததுதான் தவெக கூறும் ‘மாற்றமா’? இதுதான் அவர்கள் போற்றும் ஜனநாயகமா?

போராடிய செவிலியர்களை நோக்கி பெண் காவல் அதிகாரி ஒருவரே விரலை உயர்த்தி “வேண்டாம் உங்க உயிர் முக்கியம்” என மிரட்டியதுதான் ஜனநாயக வில்லனின் குரலா என்பதைக் காவல்துறைக்குப் பொறுப்பு வகிக்கும் முதல்வர் விளக்குவாரா?

அல்லது, செவிலியர்களை மிரட்டி குண்டுகட்டாகக் கைது செய்த பெண் காவலர்களின் செயலை “சிங்கப்பெண் in action” என ரீல்ஸ் செய்து தனது virtual abuser-கள் மூலம் டிரெண்ட் செய்து விளம்பரம் தேடுவாரா?” என்று காட்டமாக வினவியுள்ளார்.