ராமேசுவரம்
ராமேசுவரம் தமிழக மீனவர்கள், இந்தியப் பெருங்கடல், வங்காள விரிகுடா, மன்னார் வளைகுடா மற்றும் பாக் நீரிணை கடற்பகுதியில் பெரும்பாலும் இறால், நண்டு, கணவாய் உள்ளிட்ட வகை மீன்களையே பிடிக்க பெருமளவில் ஆர்வம் காட்டி வருகின்றனர்.
ஆனால் ஆழ்கடல் மீன்பிடி முறையில் சூரை மீன்களை பிடிப்பதற்கு பெரும்பாலும் முன்வருவதில்லை.
இந்நிலையில் ஞாயிற்றுக்கிழமை ராமேசுவரம் அருகே பாக் நீரிணை கடற்பகுதியில் மீன் பிடித்து விட்டு கரை திரும்பிய பாம்பனைச் சேர்ந்த மீனவர் படகு ஒன்றில் மஞ்சள் சூரை மீன்கள் 3 சிக்கின.
இந்த ராட்சத மஞ்சள் சூரை மீன்கள் தலா 100 கிலோ, 118 கிலோ மற்றும் 112 கிலோ எடை அளவுகளில் மொத்தம் 330 கிலோ இருந்தன.
3 மஞ்சள் வால் சூரை மீன்களை மீன் வியாபாரி ஒருவர் கிலோ ரூ.230 வீதம் மொத்தம் இருந்த 330 கிலோ மீன்களை என ரூ.75 ஆயிரத்து 900-க்கு ஏலம் எடுத்தார்.
3 மீன்கள் 75 ஆயிரம் ரூபாய்க்கு விற்பனையானதால் நாட்டுப்படகு மீனவர்கள் மகிழ்ச்சி அடைந்தனர்.
