இயக்குனர் ஷங்கர் இயக்கத்தில் 22 வருடங்கள் கழித்து இந்தியன் 2 ஆம் பாகம் உருவாகியுள்ளது. லைக்கா நிறுவனம் தயாரித்துள்ள நிலையில் வருகிற ஜூலை 12ஆம் தேதி அனைத்து திரையரங்களிலும் இந்தியன் 2 படம் ரிலீஸ் ஆகிறது. இப்படத்திற்கு அனிருத் இசையமைத்து உள்ளார். இதில் காஜல் அகர்வால், பிரியா பவானி ஷங்கர், ரகுல் ப்ரீத் சிங், பாபி சிம்ஹா, சித்தார்த், நெடுமுடி வேணு, மனோபாலா, விவேக், மாரிமுத்து என பலரும் நடித்துள்ளனர்.
இந்நிலையில் நடிகர் ரஜினிகாந்த் தான் நடித்து வரும் வேட்டையன் கதாபாத்திரத்தில் நடிகர் கமல் ஹாசனை சந்தித்துள்ளார். இந்தியன் 2 படப்பிடிப்பில் இருந்த கமல் ஹாசனை ரஜினி சந்தித்து பேசினார்.
முன்னதாக இயக்குநர் ஞானவேல் தற்போது ரஜினிகாந்த் நடிக்கும் ‘வேட்டையன்’ படத்தை முடித்துள்ளார்.
இதன் போஸ்ட் புரொடக்ஷன் வேலைகள் நடந்துவருகின்றன. இதில் அமிதாப்பச்சன், ஃபஹத் பாசில், ராணா, மஞ்சுவாரியர், ரித்திகா சிங் உட்பட பலர் நடித்துள்ளது குறிப்பிடத்தக்கது.
