சென்னை;
‘கூலி’ படத்தில் சிறுகதாபாத்திரத்தில் கமல் நடித்திருப்பதாக வெளியான வதந்திக்கு முற்றுப்புள்ளி வைத்திருக்கிறார் லோகேஷ் கனகராஜ்.
சமீபத்தில் இணையத்தில் ‘கூலி’ படத்தில் சிறுகதாபாத்திரத்தில் கமல் நடித்திருப்பதாக தகவல்கள் வெளியாகின. இது தொடர்பாக படக்குழுவினர் அமைதி காத்து வந்தார்கள். இந்த வதந்திக்கு பேட்டியொன்றில் முற்றுப்புள்ளி வைத்துள்ளார் லோகேஷ் கனகராஜ்.
‘கூலி’யில் கமல் நடித்திருப்பது குறித்த கேள்விக்கு, “கமல் சார் ’கூலி’ படத்தில் இருப்பதை விரும்பவில்லை. அப்படி ஏதேனும் திட்டம் வைத்திருந்தால் கண்டிப்பாக அவரை நேரில் சந்தித்து பேசி இருவரும் இணைந்து நடியுங்கள் என்று கேட்டிருப்பேன். ’கூலி’ படத்தின் கதை ஒரு தனிப்பட்ட கதை. இப்படத்துக்கும் எனது முந்தைய படங்களுக்கும் எவ்வித சம்மந்தமும் கிடையாது.
’கூலி’ பார்த்தவுடன் அனைவருக்கும் தெரியவரும், ஏன் ரஜினி சார் ‘விக்ரம்’ படத்தையும், கமல் சார் ‘கூலி’ படத்தையும் பண்ண முடியாது என்று. ஏனென்றால் இப்படங்களின் கதையினை அவர்கள் இருவரையும் தவிர வேறு யாருமே பண்ணக் கூடாது என்பதால் தான் எழுதினேன்.” என்று தெரிவித்துள்ளார் லோகேஷ் கனகராஜ்.
லோகேஷ் கனகராஜ் இயக்கத்தில் ரஜினி, நாகார்ஜுனா, உபேந்திரா, ஆமிர்கான், ஸ்ருதிஹாசன், சத்யராஜ் உள்ளிட்ட பலர் நடிப்பில் உருவாகியுவுள்ள ‘கூலி’ ஆகஸ்ட் 14-ம் தேதி வெளியாகிறது. சன் பிக்சர்ஸ் நிறுவனம் தயாரித்துள்ள இப்படத்துக்கு அனிருத் இசையமைத்து வருகிறார்.
