சென்னை:
தமிழில், வாரியர், கஸ்டடி, வா வாத்தியார் படங்களில் நடித்திருப்பவர் கிருத்தி ஷெட்டி. தெலுங்கு, மலையாளப் படங்களிலும் நடித்து வரும் இவர், இப்போது பாலிவுட்டில் அறிமுகமாகிறார்.
பிரபல இயக்குநர் ரோகித் ஷெட்டியின் தயாரிப்பில் உருவாகும் ‘ஹம் தேரே பியார் மே’ என்ற திரைப்படம் மூலம் கதாநாயகியாக அறிமுகமாகிறார்.
இதை ரோகித் ஷெட்டியிடம் உதவி இயக்குநராகப் பணியாற்றிய விதி கோட்கான்கர் இயக்குகிறார்.
அவர் இப்படம் மூலம் இயக்குநராக அறிமுகமாகிறார். காதல் கதையான இதன் படப்பிடிப்பு மும்பையில் தொடங்கியுள்ளது.
