சென்னை;
நடிகர் ரஜினிகாந்த் தனது குடும்பத்தினருடன் தீபாவளியைக் கொண்டாடி உள்ளார். அந்த புகைப்படங்கள் தற்போது இணையத்தில் பரவி வருகின்றன. தீபாவளி பண்டிகை நேற்று முன் தினம் உற்சாகத்துடன் கொண்டாடப்பட்டது.
திரைபிரபலங்களும் தீபாவளியை குடும்பத்துடன் கொண்டாடியுள்ளனர். நடிகர் ரஜினிகாந்த் தனது போயஸ் கார்டன் இல்லத்தில் குடும்பத்துடன் தீபாவளியை கொண்டாடியுள்ளார். இந்தப் புகைப்படங்களை சவுந்தர்யா ரஜினிகாந்த் சமூக வலைதளத்தில் வெளியிட்டுள்ளார்.
ஒவ்வொரு ஆண்டும் புத்தாண்டு, தீபாவளி, பொங்கல் பண்டிகைகளுக்கு தன்னுடைய ரசிகர்களைச் சந்தித்து வாழ்த்து சொல்வதை வழக்கமாக வைத்துள்ளார், ரஜினிகாந்த். அதன்படி தீபாவளியை முன்னிட்டு ஏராளமான ரசிகர்கள் அவர் வீட்டின் முன் கூடினர்.
வீட்டை விட்டு வெளியே வந்த ரஜினிகாந்த், ரசிகர்களைப் பார்த்து கையசைத்து தீபாவளி வாழ்த்துகளைத் தெரிவித்தார்.
ரசிகர்களின் வாழ்த்துகளையும் ஏற்றுக்கொண்டார். தீபாவளியை முன்னிட்டு, ரஜினி நடித்து வரும் ‘ஜெயிலர் 2’ படத்தின் ப்ரமோ மேக்கிங் வீடியோவை சன் பிக்சர்ஸ் வெளியிட்டுள்ளது.
