ஜூனியர் உலகக் கோப்பை ஹாக்கி தொடரில் ‘பி’ பிரி​வில் இடம் பெற்​றுள்ள இந்​திய அணி தனது முதல் ஆட்​டத்​தில் இன்று சிலி​யுடன் மோதுகிறது!!

சென்னை:
ஆடவருக்​கான ஜூனியர் உலகக் கோப்பை ஹாக்கி தொடரில் ‘பி’ பிரி​வில் இடம் பெற்​றுள்ள இந்​திய அணி தனது முதல் ஆட்​டத்​தில் இன்று சிலி​யுடன் மோதுகிறது. இந்த ஆட்​டம் இரவு 8.30 மணிக்கு சென்னை எழும்​பூரில் உள்ள மேயர் ராதாகிருஷ்ணன் ஹாக்கி மைதானத்​தில் நடை​பெறுகிறது.

2 முறை சாம்​பிய​னான இந்​திய அணி 9 வருடங்​களுக்​குப் பிறகு சொந்த மண்​ணில் மீண்​டும் ஒரு முறை பட்​டம் வெல்​லும் முனைப்​புடன் களமிறங்​கு​கிறது. கடைசி​யாக இந்​திய அணி 2016-ம் ஆண்டு லக்​னோ​வில் நடை​பெற்ற தொடரில் கோப்​பையை வென்றிருந்​தது.

யு-21 பிரிவு உலகத் தரவரிசை​யில் 2-வது இடம் வகிக்​கும் இந்​திய அணிக்கு ஒலிம்​பிக்​கில் இரு முறை பதக்​கம் வென்ற இந்​திய சீனியர் அணி​யின் முன்​னாள் கோல் கீப்​ப​ரான பி.ஆர்​.ஸ்ரீஜேஷ் பயிற்​சி​யாள​ராக உள்​ளார்.

அவருக்கு இந்​தத் தொடர் சவாலாக இருக்​கக்​கூடும். கடந்த மாதம் மலேசி​யா​வில் நடை​பெற்ற சுல்தான் ஜோஹோர் கோப்​பை​யில் இளம் இந்​திய அணி வெள்ளிப் பதக்​கம் வென்​றிருந்​தது.

எனினும் இந்​தத் தொடரில் இந்​திய அணி வீரர்​கள் பெனால்டி கார்​னர் வாய்ப்​பு​களை கோலாக மாற்​று​வ​தில் திறம்பட செயல்​பட​வில்​லை. மொத்​தம் கிடைத்த 53 பெனால்டி கார்​னர் வாய்ப்​பு​களில் 8 கோல்​கள் மட்​டுமே அடித்​திருந்​தனர். மேலும் இந்​தத் தொடரில் எதிரணி​யின் வேக​மான எதிர் தாக்​குதல்​களை சமாளிக்க இந்​திய அணி சிரமப்​பட்​டது.

இவற்​றுக்கு இந்த உலகக் கோப்பை தொடரில் டிராக்​பிளிக்​கர் ரோஹித் தலை​யி​லான இந்​திய அணி தீர்வு காண முயற்சிக்கக்கூடும். உலகத் தரவரிசை​யில் 18-வது இடத்​தில் உள்ள சிலி அணி பெரிய அளவில் சவால் கொடுக்​காது என்றே தெரி​கிறது.

எனினும் உலகக் கோப்பை தொடரில் எந்த அணி​யின் திறனை​யும் குறைத்து மதிப்​பிட முடி​யாது.

இந்​திய அணி விவரம்: பிக்​ரம்​ஜித் சிங், பிரின்​ஸ்​தீப் சிங் (கோல்​கீப்​பர்​கள்), ரோஹித், அமீர் அலி, அன்​மோல், தலேம் பிரியோபர்​தா, சுனில் பலக் ஷப்பா பென்​னூர், ஷர்​தானந்த் திவாரி (டிஃபென்டர்​கள்), அங்​கித் பால், அத்​ரோஹித், தவுனோஜாம் இங்​கலெம்பா லுவாங், மன்​மீத் சிங், ரோசன் குஜூர், குர்​ஜோத் சிங் (நடுகள வீரர்​கள்), சவுரப் ஆனந்த் குஷ்​வாஹா, அர்​ஷ்தீப்​சிங், அஜீத்​யாதவ், தில்​ராஜ் சிங் (முன்கள வீரர்​கள்).

‘தர​வரிசை எதை​யும் பேசாது’ – இந்​திய ஜூனியர் ஹாக்கி அணி​யின் பயிற்​சி​யாள​ரான ஸ்ரீஜேஷ் கூறும்​போது, “அணி​யின் தரவரிசை எதை​யும் பேசாது. போட்​டி​யின் தினத்​தில் எப்​படி செயல்​படு​கிறோமோ அதில்​தான் அனைத்தும் உள்​ளது.

நான் விளை​யாடிய​போது ஏராள​மான சவால்​மிகுந்த தருணங்​களை எதிர்​கொண்​டுள்​ளேன். அதனால் வீரர்​களின் ஆட்டத் திறனை உயர்த்​து​வது மிக​வும் முக்​கி​யம்.

சிலி அல்​லது வேறு எந்த எதிரணியாக இருந்​தா​லும் நாம் அவர்​களை மதிக்க வேண்​டும். ஒவ்​வொரு அணி​யும் தங்​கள் எதிரணிக்கு ஏற்ப வெவ்​வேறு ஆட்​டங்​களை விளை​யாடு​கின்​றன.

சிலி அணி​யின் வீடியோவை பார்த்​தேன். அவர்​கள் சிறப்​பாக தாக்குதல் ஆட்​டம் மேற்​கொள்​கின்​றனர்.

எங்​களை பொறுத்​தவரை​யில் திட்​ட​மிடல் மற்​றும் உத்​தி​களை களத்​தில் செயல்​படுத்​து​வது முக்​கி​யம். எங்​கள் ஆட்​டத்தை நாங்கள் விளை​யாட வேண்​டும். சொந்த மண்​ணில் விளையாடுவதால் எந்த அழுத்​த​மும் இல்​லை. அனைவரும் நம்பிக்கையுடன் தயாராக உள்ளோம்” என்றார்.

SHARE ME:👇

Leave a Reply

Your email address will not be published. Required fields are marked *