சென்னை:
அறிமுக இயக்குநர் இரா.கவுதம் இயக்கத்தில் உருவாகியுள்ள திரைப்படம், ‘சிக்கலான குடும்பத்தின் உறுப்பினர்கள்’.
இதில் ‘கூழாங்கல்’ கறுத்தடையான், கூத்துப்பட்டறை கலைஞர் அஜித்குமார், யுவ, விஜய் சூரன், அறிமுக நடிகர்களான காஞ்சனா செந்தில், டி.பன்னீர்செல்வம், சரவண சித்தார்த் உள்ளிட்டோர் நடித்துள்ளனர்.
சித்தார்த் கதிர் ஒளிப்பதிவு செய்துள்ள இப்படத்தைத் தமிழரசன் காளிதாஸின் லேப்ரிந்த் நேரடிவ்ஸ் நிறுவனம் தயாரித்துள்ளது. இப்படம் பெர்லின் சர்வதேச திரைப்பட விழாவுக்குத் தேர்வாகி இருக்கிறது.
அலைபாயுதே, பருத்திவீரன், கொட்டுக்காளி படங்களுக்கு பிறகு இப்பிரிவில் தேர்வாகி இருக்கும் 4-வது தமிழ்ப் படம் இது. அறிமுக இயக்குநரின் முதல் படமே பெர்லின் பட விழாவுக்குத் தேர் வாவது இதுவே முதன்முறை.
இப்படம் குறித்து பெர்லின் சர்வதேச திரைப்பட விழாவின் அதிகாரப்பூர்வ இணைய பக்கத்தில், “ஓர் இளைஞன் சிறு வயதிலேயே இறந்து விடு கிறான்.
அன்றாடத்தை அசைத்து உலுக்கும் மரணம் அது. இறுதிச்சடங்கு நடக்கிறது.
அதில் பெருமளவில் துக்கம் தெரியவில்லை. குடும்ப உறவுகளின் வன்முறையை நேர்த்தியுடனும் நுண்ணிய கலைச் செறிவுடனும் காட்டும் இத்திரைப்படம், வெறுமைக்கும் மன அமைதிக்கும் இடையேயான ஓர் ஊசலாட்டம்.
அறிமுக இயக்குநரின் அசாத்தியமான முயற்சி” என்று குறிப்பிட்டுள்ளது. தயாரிப்பாளர் தமிழரசன் காளிதாஸ் கூறும்போது, “இன்னும் பல சர்வதேச பட விழாக்களுக்கு இப்படத்தை அனுப்ப இருக்கிறோம்.
அதற்குப் பிறகு திரையரங்க வெளியீடு இருக்கும்” என்றார்.
