நடிகை நயன்தாரா, இயக்குநர் விக்னேஷ் சிவனை கடந்த 2022-ம் ஆண்டு ஜூன் மாதம் 9-ந்தேதி திருமணம் செய்துகொண்டார். தற்போது இந்த ஜோடிக்கு இரண்டு மகன்கள் உள்ளனர்.
இவர்களின் திருமணம் மகாபலிபுரம் ஷெரட்டன் ரிசார்ட் ஹோட்டலில் விமர்சையாக நடைபெற்றது. அப்போது Netflix ஓடிடி தளத்தில் நயன்தாராவின் ஆவணப்படம் வெளியாகும் என்ற அறிவிப்பு திருமண கிளிம்ஸுடன் வெளியானது.
நயன்தாராவின் குழந்தை பருவம் முதல் இளம் வயதில் அவர் சந்தித்த வெற்றிகள், துயரங்கள், விக்னேஷ் சிவனுடனான காதல் திருமணம் வரை அனைத்தையும் ஆவணப்படமாக வெளியிடவுள்ளனர்.
‘Nayanthara Beyond the Fairy Tale’ என்ற தலைப்பில் உருவாகியுள்ள இந்த ஆவணப்படம் வெளியாவதில் இரண்டு ஆண்டுகள் தாமதமான நிலையில், வரும் 18-ந்தேதி நயன்தாராவின் பிறந்தநாளை முன்னிட்டு அவரது பிறந்தநாள் பரிசாக Netflix நிறுவனம் இந்த ஆவண படத்தை வெளியிடவுள்ளது.
இந்நிலையில் தனது திருமண வீடியோ 2 ஆண்டுகளாக வெளியாகாமல் இருப்பதற்கு நடிகர் தனுஷ் தான் காரணம் என்று நயன்தாரா பரபரப்பு குற்றச்சாட்டை முன்வைத்துள்ளார்.
நானும் ரவுடிதான் படத்தில் வரும் 3 நொடி காட்சியை பயன்படுத்தியதற்கு நடிகர் தனுஷ் 10 கோடி நஷ்டஈடு கேட்டதாக நயன்தாரா பரபரப்பு அறிக்கை ஒன்றை வெளியிட்டுள்ளார்.
அந்த அறிக்கையில், “நடிகர் தனுஷ் அவர்களுக்கு பல தவறான விஷயங்களைச் சரிசெய்வதற்காக ஒரு கடிதம் எழுதியுள்ளேன்.
உங்கள் தந்தை மற்றும் உங்கள் சகோதரரின் ஆதரவுடனும் ஆசிர்வாதத்துடனும் நல்ல நடிகராகவும் இயக்குநராகவும் இருக்கும் நீங்கள் இதைப் படித்து புரிந்து கொள்ள வேண்டும்.
சினிமா பின்புலம் எதுவும் இல்லாமல் சுயமாக போராடி சவால்கள் நிறைந்த திரைத்துறைக்கு வந்து கடின உழைப்பாலும் நேர்மையாலும் இன்றைய நிலையை அடைந்திருக்கிறேன்.
என் மீது அன்பு செலுத்தும் எனது ரசிகர்களும், திரைத்துறையினரும் நன்றாகவே அதனை அறிவார்கள்.
நெட்பிளிக்சில் வெளியாக இருக்கும் Nayanthara Beyond the Fairy Tale ஆவணப்படத்தை என்னைப் போலவே ஏராளமான எனது ரசிகர்களும் எதிர்பார்த்து காத்துள்ளார்கள்.
பல்வேறு தடைகளையும் மீறி, அனைத்துப் பணிகளையும் முடித்து தற்போது இதனை வெளியீட்டுக்கு தயார் செய்திருக்கிறோம்.
உங்களது (தனுஷ்) தொடர்ச்சியான பழிவாங்கும் நடவடிக்கைகளால் நானும் எனது கணவரும் பாதிப்படைந்திருக்கிறோம்.
காதல், திருமணம் உள்ளிட்ட எனது வாழ்வின் மகிழ்ச்சியான தருணங்கள் இடம்பெற்றுள்ள இந்த ஆவணப்படத்தில் எனது காதலை கண்டடைந்த ‘நானும் ரௌடிதான்’ திரைப்பட காட்சிகள் இல்லாதது எனக்கு வேதனையை தருகிறது.
Nayanthara Beyond the Fairy Tale ஆவணப்படத்தில் ‘நானும் ரௌடிதான்’ படத்தின் காட்சிகளையும் பாடல்களையும், புகைப்படங்களையும் பயன்படுத்த உங்களிடம் இருந்து தடையில்லா சான்றிதழ் (NOC) வாங்குவதற்காக 2 ஆண்டுகளாக காத்திருந்தோம்.
எங்கள் எவ்லா போராட்டங்களும் வீணான நிலையில் அந்த முடிவையே கைவிட்டு ஆவணப்படத்தில் திருத்தங்கள் செய்தோம்
அண்மையில் வெளியான Nayanthara Beyond the Fairy Tale டிரைலரில் பயன்படுத்தப்பட்டிருக்கும் 3 விநாடி வீடியோவிற்காக நீங்கள் ரூ.10 கோடி கேட்டு லீகல் நோட்டிஸ் அனுப்பியுள்ளது எனக்கு அதிர்ச்சியளிக்கிறது.
கீழ்தரமான இந்த செயல், ஒரு மனிதராக நீங்கள் எப்படிப்பட்டவர் என்பதை வெளிச்சம் போட்டுக் காட்டுகிறது.
சட்டப்பூர்வமான உங்களது நடவடிக்கைகளைச் சட்டப்பூர்வமாக எதிர்கொள்ள நாங்களும் தயராகவே இருக்கிறோம்” என்று தெரிவித்துள்ளார்.
‘மகிழ்வித்து மகிழ்’ என்பதே உண்மையான மகிழ்ச்சி. அதனை அடிப்படையாகக் கொண்டே ‘Nayanthara: Beyond the Fairy Tale’ ஆவணப்படமும் உருவாக்கப்பட்டு உள்ளது. இதனை நீங்கள் ஒருமுறை பார்த்தால் உங்கள் எண்ணங்கள் மாறும் என்று நினைக்கிறேன்.
