இபோ:
சுல்தான் அஸ்லான் ஷா கோப்பை ஹாக்கி தொடர் மலேசியாவின் இபோ நகரில் நடைபெற்று வருகிறது. இதில் இந்திய அணி தனது 4-வது லீக் ஆட்டத்தில் நேற்று நியூஸிலாந்துடன் மோதியது. இதில் இந்திய அணி 3-2 என்ற கோல் கணக்கில் வெற்றி பெற்றது.
இந்திய அணி சார்பில் அமித் ரோஹிதாஸ் (4-வது நிமிடம்), சஞ்ஜெய் (32-வது நிமிடம்), செல்வம் கார்த்தி (54-வது நிமிடம்) ஆகியோர் தலா ஒரு கோல் அடித்தனர். நியூஸிலாந்து அணி தரப்பில் ஜார்ஜ் பேக்கர் (42 மற்றும் 48-வது நிமிடங்கள்) 2 கோல்கள் அடித்தார்.
6 அணிகள் கலந்துகொண்டுள்ள இந்தத் தொடரில் இந்தியா 4 ஆட்டங்களில் விளையாடி 3 வெற்றிகள், ஒரு தோல்வியை பதிவு செய்து 9 புள்ளிகளுடன் பட்டியலில் 2-வது இடத்தில் உள்ளது. இந்திய அணி தனது அடுத்த ஆட்டத்தில் கனடாவுடன் நாளை (29-ம் தேதி) மோதுகிறது.
