மெல்பர்ன்:
ஆஸ்திரேலிய ஓபன் டென்னிஸ் தொடரில் ஸ்பெயினின் கார்லோஸ் அல்கராஸ், பெலாரஸின் அரினா சபலென்கா ஆகியோர் 4-வது சுற்றுக்கு முன்னேறினர்.
ஆஸ்திரேலியாவின் மெல்பர்ன் நகரில் நடைபெற்று வரும் இந்தத் தொடரில் 6-வது நாளான நேற்று ஆடவர் ஒற்றையர் பிரிவில் 3-வது சுற்று ஆட்டங்கள் நடைபெற்றன.
இதில் முதல் நிலை வீரரான ஸ்பெயினின் கார்லோஸ் அல்கராஸ் 6-2, 6-4, 6-1 என்ற செட் கணக்கில் 37-ம் நிலை வீரரான பிரான்ஸின் கோரன்டின் மவுடெட்டை வீழ்த்தி 4-வது சுற்றுக்கு முன்னேறினார். கிராண்ட் ஸ்லாம் தொடர்களில் அல்கராஸின் 100-வது வெற்றியாக இது அமைந்தது.
11-ம் நிலை வீரரான ரஷ்யாவின் டேனியல் மெத்வதேவ் 6-7 (5-7), 4-6, 7-5, 6-0, 6-3 என்ற செட் கணக்கில் 47-ம் நிலை வீரரான ஹங்கேரியின் ஃபேபியன் மரோசனை தோற்கடித்தார். முதல் 2 செட்களை இழந்த போதிலும் அதில் இருந்து மீண்டு வந்து மெத்வதேவ் வெற்றி பெற்றது ரசிகர்களுக்கு விருந்தாக அமைந்தது.
19-ம் நிலை வீரரான அமெரிக்காவின் டாமி பால், 14-ம் நிலை வீரரான ஸ்பெயினின் அலெஜான்ட்ரோ டேவிடோவிச் ஃபோகினாவை எதிர்த்து விளையாடினார். இதில் டாமிபால் 6-1, 6-1 என்ற செட் கணக்கில் முன்னிலையில் இருந்த போது காயம் காரணமாக அலெஜான்ட்ரோ டேவிடோவிச் ஃபோகினா விலகினார்.
25-ம் நிலை வீரரான அமெரிக்காவின் லர்னர் டியன் 7-6 (11-9), 6-4, 6-2 என்ற செட் கணக்கில் போர்ச்சுகலின் நூனோ போர்கஸை தோற்கடித்தார்.
13-ம் நிலை வீரரான ரஷ்யாவின் ஆந்த்ரே ரூப்லெவ் 3-6, 6-7 (4-7), 3-6 என்ற செட் கணக்கில் 18-ம் நிலை வீரரான அர்ஜெண்டினாவின் பிரான்சிஸ்கோ செருண்டோலோவிடம் தோல்வி அடைந்தார்.
6-ம் நிலை வீரரான ஆஸ்திரேலியாவின் அலெக்ஸ் டி மினார் 3-6, 4-6, 5-7 என்ற செட் கணக்கில் 29-ம் நிலை வீரரான அமெரிக்காவின் பிரான்சிஸ் தியாஃபோவிடம் வீழ்ந்தார்.
3-ம் நிலை வீரரான ஜெர்மனியின் அலெக்ஸாண்டர் ஜிவேரேவ் 7-5, 4-6, 6-3, 6-1 என்ற செட் கணக்கில் 26-ம் நிலை வீரரான இங்கிலாந்தின் கேமரூன் நோரியை தோற்கடித்தார்.
மகளிர் ஒற்றையர் பிரிவு 3-வது சுற்றில் முதல் நிலை வீராங்கனையும் இரு முறை சாம்பியனுமான பெலாரஸின் அரினா சபலென்கா 7-6 (7-4), 7-6 (9-7) என்ற செட் கணக்கில் 55-ம் நிலை வீராங்கனையான ஆஸ்திரியாவின் அனஸ்தேசியா பொட்டாபோவாவை போராடி வீழ்த்தினார்.
3-ம் நிலை வீராங்கனையான அமெரிக்காவின் கோ கோ காஃப் 3-6, 6-0, 6-3 என்ற செட் கணக்கில் சகநாட்டைச் சேர்ந்த 70-ம் நிலை வீராங்கனையான ஹெய்லி பாப்டிஸ்ட்டை தோற்கடித்து 4-வது சுற்றுக்கு முன்னேறினார்.
7-ம் நிலை வீராங்கனையான இத்தாலியின் ஜாஸ்மின் பவுலினி 2-6, 6-7 (3-7) என்ற செட் கணக்கில் 18 வயதான 29-ம் நிலை வீராங்கனையான அமெரிக்காவின் இவா ஜோவிக்கிடம் அதிர்ச்சி தோல்வி அடைந்தார்.
12-ம் நிலை வீராங்கனையான உக்ரைனின் எலினா ஸ்விட்டோலினா 7-6 (7-4), 6-3 என்ற செட் கணக்கில் 23-ம் நிலை வீராங்கனையான ரஷ்யாவின் டயானா ஷ்னைடரை வீழ்த்தி 4-வது சுற்றில் நுழைந்தார்.
19 வயதான 17-ம் நிலை வீராங்கனையான கனடாவின் விக்டோரியா எம்போகோ 7-6 (7-5), 5-7, 6-3 என்ற செட் கணக்கில் 14-ம் நிலை வீராங்கனையான டென்மார்க்கின் கிளாரா டவுசனையும், 19-ம் நிலை வீராங்கனையான செக்குடியரசின் கரோலினா முச்சோவா 6-1, 6-1 என்ற செட் கணக்கில் போலந்தின் மேக்டா லின்னெட்டையும் வீழ்த்தி 4-வது சுற்றுக்கு முன்னேறினர்.
