புது டெல்லி:
“நாடு தழுவிய போராட்டத்தை நிறைவு செய்யும் எங்கள் முடிவு, மத்திய அரசு தனது வார்த்தையைக் காப்பாற்றும் என்ற வாக்குறுதியின் அடிப்படையில் மட்டுமே எடுக்கப்பட்டது.
அந்த வாக்குறுதியிலிருந்து விலகிச் செல்வது நம்பிக்கை துரோகமாகும்.
இந்த நம்பிக்கைத் துரோகம் இளைஞர்களால் ஒருபோதும் ஏற்றுக்கொள்ளப்படாது” என கரப்பான்பூச்சி ஜனதா கட்சியின் செய்தித் தொடர்பாளர் சவுரவ் தாஸ் தெரிவித்தார்.
இதுகுறித்து அவர் வெளியிட்ட எக்ஸ் பதிவில், “அசாம், மேற்கு வங்கம் மற்றும் பிஹார் உள்ளிட்ட மாநிலங்களில், பல்வேறு அரசு அமைப்புகளால் மாணவர்கள் மற்றும் பிற போராட்டக்காரர்கள் குறிவைக்கப்படுவது, கைது செய்யப்படுவது குறித்த செய்திகள் எங்களை வந்தடைந்துள்ளன. இது எங்களுக்கு மிகுந்த கவலையை அளிக்கிறது.
பாஜக அல்லது என்டிஏ ஆளும் மாநிலங்களில் எந்தவொரு போராட்டக்காரர் மீதும் இப்போதோ அல்லது எதிர்காலத்திலோ எந்தவித தண்டனை நடவடிக்கையும் எடுக்கப்படாது என்று இந்திய அரசு உறுதியளித்த பின்னரே, கரப்பான்பூச்சி ஜனதா கட்சி தனது நாடு தழுவிய போராட்டத்தை நிறுத்தி வைத்தது. எனவே, இம்மாநிலங்களிலிருந்து வரும் செய்திகள் மிகுந்த கவலைக்குரியவை.
முதலாவதாக, ஒவ்வொரு போராட்டக்காரருக்கும் நாங்கள் உறுதியளிக்க விரும்புகிறோம்.
தடுத்து வைக்கப்பட்டவர்களை விடுவிக்கவும், சாத்தியமான அனைத்து சட்ட உதவிகளையும் வழங்கவும், சம்பந்தப்பட்ட மாநிலங்களில் உள்ள சிறந்த வழக்கறிஞர்களுடன் எங்கள் சட்டக் குழு செயல்பட்டு வருகிறது.
இரண்டாவதாக, மத்திய அரசிடம், குறிப்பாக ஜே.பி.நட்டா மற்றும் ஜிதேந்திர சிங் ஆகியோரிடம் நாங்கள் கேட்டுக்கொள்வது இதுதான்:
தடுத்து வைக்கப்பட்டவர்களை விடுவிப்பதன் மூலமும், நாட்டின் எந்தப் பகுதியிலும் எந்தவொரு போராட்டக்காரர் மீதும் கட்டாயப் படுத்துதல் அல்லது பழிவாங்கும் நடவடிக்கைகள் எடுக்கப்படாது என்பதை உறுதி செய்வதன் மூலமும், எங்களுக்கு அளிக்கப்பட்ட வாக்குறுதியை உடனடியாக நிறைவேற்றுங்கள்.
பதிவு செய்யப்பட்ட முதல் தகவல் அறிக்கைகளும் திரும்பப் பெறப்பட வேண்டும்.
இது தொடர்பாக எழுத்துப்பூர்வமான உத்தரவாதத்தை நாளை ( ஜூலை 28) அன்று எங்களுக்கு வழங்குவதாக அளித்த வாக்குறுதியை இந்திய அரசுக்கு நினைவூட்டுகிறோம்.
நாடு தழுவிய போராட்டத்தை நிறுத்தி வைப்பதற்கான எங்கள் முடிவு நல்லெண்ணத்துடனும், அரசு தனது வார்த்தையைக் காப்பாற்றும் என்ற வாக்குறுதியின் அடிப்படையிலும் மட்டுமே எடுக்கப்பட்டது.
அந்த வாக்குறுதியிலிருந்து விலகிச் செல்வது ‘கரப்பான்பூச்சி ஜனதா கட்சி’ உடனான நம்பிக்கைத் துரோகமாக மட்டுமல்லாமல், போராட்ட ங்களுக்குப் பதிலாக பேச்சுவார்த்தையைத் தேர்ந்தெடுத்த லட்சக்கணக்கான இந்திய இளைஞர்களின் மீதான பொது நம்பிக் கையை மீறுவதாகவும் அமையும்.
இத்தகைய நம்பிக்கைத் துரோகம் இளைஞர்களால் ஒருபோதும் ஏற்றுக்கொள்ளப்படாது.
வெறுமனே வாக்குறுதி அளிப்பதன் மூலம் அல்ல, மாறாக அளித்த வாக்குறுதிகளை நிறைவேற்றுவதன் மூலமே ஒரு அரசு நம்பகத்தன்மையைப் பெறுகிறது என்பதை இந்திய அரசுக்கு நினைவூட்டுகிறோம்.
இளம் போராட்டக்காரர்களிடம் நாங்கள் சொல்வது இதுதான்: உறுதியாக இருங்கள்.
நாங்கள் உங்களுடன் இருக்கிறோம். சிஜேபி தொடர்ந்து நிலைமை யைக் கூர்ந்து கவனித்து வருகிறது. தற்போதைய சூழலுக்குத் தேவை யான மிகுந்த அவசரம், பொறுப்புணர்வு மற்றும் நல்லெண்ணத்துடன் இந்திய அரசும், அனைத்து பாஜக/என்டிஏ மாநில அரசுகளும் செயல்படும் என்று எதிர்பார்க்கிறோம்.
தடுத்து வைக்கப்பட்டுள்ள அல்லது கைது செய்யப்பட்டுள்ள அனைவரும் உடனடியாகவும், அதிகபட்சமாக நாளைய தினத்திற்குள் விடுவிக்கப்பட வேண்டும் என்றும், அவர்கள் மீதான அனைத்து முதல் தகவல் அறிக்கைகளையும் உடனடியாகத் திரும்பப் பெறப்பட வேண் டும் என்று நாங்கள் வலியுறுத்துகிறோம்;
இல்லையெனில், நாங்கள் அடுத்தகட்டத் தேவையான நடவடிக்கைகளை மேற்கொள்வோம்” எனத் தெரிவித்துள்ளார்.
