ஜிம்பாப்வே மற்றும் தென் ஆப்பிரிக்காவுக்கு எதிரான ஒருநாள் கிரிக்கெட் தொடர்களுக்கான ஆஸ்திரேலிய அணியில் இருந்து மார்னஸ் லபுஷேன் நீக்கப்பட்டுள்ளார்.
ஜூன் மாதம் பாகிஸ்தான் மற்றும் வங்கதேச அணிகளுக்கு எதிராக லபுஷேன் தடுமாறிய நிலையில், வங்கதேசத்துக்கு எதிரான 2-வது ஆட்டத்தில் பேட்டிங் வரிசையில் கீழே இறக்கப் பட்டு ஆட்டமிழக்காமல் 55 ரன்கள் எடுத்தார்.
இருப்பினும், டிராவிஸ் ஹெட் மற்றும் மிட்செல் மார்ஷ் ஆகி யோர் மீண்டும் ஒருநாள் அணிக்கு திரும்பியுள்ளதுடன், இளம் வீரர்கள் மீதும் தேர்வாளர்கள் நம்பிக்கை வைத்துள் ளதால், அணியில் லபுஷேனுக்கு இடமில்லாத நிலை ஏற்பட்டுள்ளது.
தென் ஆப்பிரிக்காவுக்கு எதிரான டெஸ்ட் தொடருக்கான ஆஸ்திரேலிய அணி அடுத்த வாரம் அறிவிக்கப்பட உள்ளது.
டெஸ்ட் அணியில் லபுஷேனின் இடம் பாதுகாப்பாகவே உள்ளது. எனினும், தேர்வுக்குழுத் தலைவர் ஜார்ஜ் பெய்லி, டெஸ்ட் அணிக்கான தேர்வு இன்னும் இறுதி செய்யப்பட வில்லை என்றாலும், வெவ்வேறு வடிவங்களுக்கான அணித் தேர்வுகள் தனித்தனியாக மேற்கொள்ளப்படுவதாகத் தெரிவித்தார்.
“டெஸ்ட் அணி எப்படி இருக்க வேண்டும் என்பது குறித்து நாங்கள் இன்னும் ஆலோசித்து வருகிறோம்.
ஆனால், வெவ்வேறு வடிவங்களுக்கான அணித் தேர்வை தனித்தனியாகவே மேற்கொள்கிறோம்” என்று பெய்லி செய்தியாளர்களிடம் கூறினார்.
நியூ சவுத் வேல்ஸ் அணியின் ஆல்ரவுண்டரான ஜோயல் டேவிஸ், வங்கதேசத்துக்கு எதிரான இந்த ஆண்டின் தொடக்க த்தில் நடைபெற்ற டி20 சர்வதேச தொடரில் சிறப்பாக செயல் பட்டதன் மூலம் ஒருநாள் கிரிக்கெட்டில் அறிமுகமாகும் வாய்ப்பைப் பெற்றுள்ளார்.
இடது கை பேட்டரான ஆலி பீக்கிற்கும் மீண்டும் வாய்ப்பு வழங்கப்பட்டுள்ளது.
ஆஸ்திரேலியாவின் அதிகாரப்பூர்வ ஒருநாள் கேப்டனாக நீடிக்கும் பாட் கம்மின்ஸ் மற்றும் மிட்செல் ஸ்டார்க் ஆகியோர், அக்டோபரில் நடைபெறவுள்ள மூன்று போட்டிகள் கொண்ட டெஸ்ட் தொடருக்கு முன்னதாக தென் ஆப்பிரிக்க சுற்றுப் பயணத்தின் ஒரு பகுதிக்கு அணியுடன் இணைவார்கள். ஜோஷ் ஹேசில்வுட் இரண்டு ஒருநாள் தொடர்களிலும் விளையாடுவார்.
ஜிம்பாப்வே தொடரில் மிட்செல் மார்ஷ் கேப்டனாக செயல் படுவார். தென் ஆப்பிரிக்காவில் நடைபெறும் தொடரில் மார்ஷும் கம்மின்ஸும் கேப்டன் பொறுப்பை பகிர்ந்து கொள்வார்கள்.
சுற்றுப்பயணத்துக்கான வேகப்பந்து வீச்சுப் படையை வலுப் படுத்தும் வகையில் ஸ்பென்சர் ஜான்சன் மற்றும் பில்லி ஸ்டான்லேக் ஆகியோரும் அணியில் சேர்க்கப்பட்டுள்ளனர்.
இடது கை வேகப்பந்து வீச்சாளரான ஜான்சன், 2025-ம் ஆண்டின் தொடக்கத்தில் தனது கடைசி ஒருநாள் போட்டியை விளையாடியிருந்தார்.
நீண்டகால காயத்துக்குப் பிறகு வங்கதேசத்துக்கு எதிரான டி20 தொடரில் மீண்டும் ஆஸ்திரேலிய அணிக்குத் திரும்பினார்.
இதற்கிடையில், பாகிஸ்தான் சுற்றுப்பயணத்துக்கான ஒருநாள் அணியிலும் இடம்பெற்றிருந்த ஸ்டான்லேக், ராவல்பிண்டியில் நடைபெற்ற ஆட்டத்தில் ஏழு ஆண்டுகளு க்கும் மேலான இடைவெளிக்குப் பிறகு சர்வதேச கிரிக்கெட்டில் மீண்டும் களமிறங்கினார்.
எனினும், அந்தத் தொடரில் அவருக்கு கிடைத்த ஒரே வாய்ப்பில் விக்கெட் எதையும் வீழ்த்தவில்லை.
தென் ஆப்பிரிக்காவில் நடைபெறும் மூன்று ஒருநாள் போட்டிகள், வீரர்களுக்கு டெஸ்ட் தொடருக்கான தயாரிப்பாக அமையும்.
அதேவேளையில், அடுத்த ஆண்டு தென் ஆப்பிரிக்கா, ஜிம்பாப்வே மற்றும் நமீபியாவில் நடைபெறவுள்ள ஒருநாள் உலகக் கோப்பைக்கான திட்டமிடலில் இந்த ஒருநாள் தொடர்கள் முக்கியப் பங்கு வகிக்கும் என ஆஸ்திரேலிய தேர்வாளர்கள் கருதுகின்றனர்.
“அடுத்த ஆண்டு நடைபெறவுள்ள உலகக் கோப்பை இதே நாடுகளில் நடைபெறுவதால், இந்த ஆறு போட்டிகள் கொண்ட தொடர் அதற்கான முக்கியமான முன்னோட்டமாக இருக்கும்.
மிட்செல் மார்ஷ், டிராவிஸ் ஹெட் மற்றும் ஜோஷ் ஹேசில்வுட் ஆகியோர் மீண்டும் அணிக்கு திரும்புவதும், தென் ஆப்பிரிக்கத் தொடரில் பாட் கம்மின்ஸ் மற்றும் மிட்செல் ஸ்டார்க் இணைவதும் சிறப்பானது.
இதன் மூலம் எங்களின் முக்கிய வீரர்களுடன், தொடர்ந்து தாக்கத்தை ஏற்படுத்துவார் கள் என நாங்கள் நம்பும் சில வீரர்களையும் இணைக்க முடிகிறது” என்று பெய்லி கூறினார்.
“ஆலி பீக் மற்றும் ஜோயல் ஆகிய இருவரையும் நாங்கள் மிக உயர்வாக மதிக்கிறோம்.
ஆஸ்திரேலிய அணியில் அவர்களுக்கு மீண்டும் ஒரு சிறந்த வாய்ப்பு கிடைத்துள்ளது. அணியில் தொடர்ந்து இடம்பெற்று தங்களது அனுபவத்தையும் வளர்ச்சியையும் அதிகரித்துக் கொள்ள இது அவர்களுக்கு மேலும் ஒரு வாய்ப்பாக இருக்கும்” என்றும் அவர் தெரிவித்தார்.
ஜிம்பாப்வே மற்றும் தென் ஆப்பிரிக்க சுற்றுப்பயணங் களுக்கான ஆஸ்திரேலிய ஒருநாள் அணி:
சேவியர் பார்ட்லெட், அலெக்ஸ் கேரி, கூப்பர் கனோலி, பாட் கம்மின்ஸ் (தென் ஆப்பிரிக்க தொடருக்கு மட்டும்), ஜோயல் டேவிஸ், நாதன் எல்லிஸ், கேமரூன் கிரீன், ஜோஷ் ஹேசில்வுட், டிராவிஸ் ஹெட், ஜோஷ் இங்கிலிஸ், ஸ்பென்சர் ஜான்சன், மிட்செல் மார்ஷ், ஆலிவர் பீக், மேத்யூ ரென்ஷா, பில்லி ஸ்டான்லேக், மிட்செல் ஸ்டார்க் (தென் ஆப்பிரிக்க தொடருக்கு மட்டும்), ஆடம் ஸாம்பா.
