‘தி கோட்’ திரைப்படத்தின் போஸ்டர்களில் தமிழக வெற்றிக் கழகம் என்கிற கட்சி பெயரை பயன்படுத்த வேண்டாம் என கட்சி நிர்வாகிகளுக்கு அறிவுறுத்தப்பட்டுள்ளது.
நடிர்கர் விஜய் தற்போது வெங்கட் பிரபு இயக்கத்தி ‘தி கோட்’- தி கிரேட்டஸ்ட் ஆஃப் ஆல் டைம் படத்தில் நடித்து வருகிறார். இந்தப்படத்தில் நடிகர்கள் பிரசாந்த், மோகன், பிரபுதேவா, ஜெயராம், கணேஷ், யோகிபாபு, அஜ்மல் அமீர், சினேகா , லைலா, மீனாட்சி சௌத்ரி உள்ளிட்ட பல நட்சத்திரங்கள் நடித்துள்ளனர்.
படத்திற்கு யுவன் சங்கர் ராஜா இசையமைத்திருக்கிறார். ஏஜிஎஸ் என்டர்டெயின்மென்ட் நிறுவனம் தயாரித்துள்ள ‘தி கோட்’ படத்தில் விஜய் 2 வேடங்களில் நடித்துள்ளதாக கூறப்படுகிறது.
படத்தின் இறுதிக்கட்ட பணிகள் தீவிரமாக நடைபெற்று வரும் நிலையில், இந்தப்படம் வரும் செப்டம்பர் மாதம் 5ம் தேதி திரைக்கு வருகிறது. இதுவரை கோட் படத்தி 3 சிங்கிள்கள் வெளியாகி ரசிகர்களிடையே கலவையான விமர்சனங்களை பெற்று வருகிறது.
படத்தின் புரொமோஷன் பணிகள் தொடங்கியுள்ள நிலையில், அதில் தனது கட்சி பெயரை பயன்படுத்தக்கூடாது என விஜய் அறிவுறுத்தியுள்ளதாக தகவல் வெளியாகியுள்ளது.
படம் திரைக்கு வரவுள்ளதை முன்னிட்டு பேனர்கள், போஸ்டர்கள் ஏதேனும் வைத்தால் அதில் விஜய் தொடங்கியுள்ள ‘தமிழக வெற்றிக் கழகம்’ என்கிற கட்சியின் பெயரை பதிவு செய்யக்கூடாது என்றும், மாறாக ‘விஜய் மக்கள் இயக்கம்’ என்கிற பெயரை மட்டுமே பயன்படுத்த வேண்டும் என்றும் கட்சி நிர்வாகிகள் மற்றும் உறுப்பினர்களுக்கு அறிவுறுத்தல் வழங்கப்பட்டுள்ளது.
எக்காரணம் கொண்டு திரைப்படங்களுக்கு அரசியல் கட்சியின் பெயரை பயன்படுத்தக்கூடாது என விஜய் அறிவுறுத்தியிருப்பதாக தகவல்கள் தெரிவிக்கின்றன.
